January 25, 2018

Google AdSense Kya Hai Aur Kaise Kam Karta Hai - Puri Jankari


Namaskar dosto, aap me se bahut se logon ne ''Adsense'' ka naam suna hoga. jab hum blogging ya koi aur online kaam karte hain toh zyadatar logon ka ye hi motive hota hai ki paise kaise kamaye. online paisa kamana koi badi baat nahi. har koi internet se paisa kama sakta hai par uske liye aapko mehnati hona padega. ye nahi ki internet laga diya aur ek blog ya website bana lene se aapka income shuru ho jayega. bina mehnat ke na kisi ko kuch mila hai aur na hi milega. aapko hamesha apne kaam ko lekar serious hona jaruri hai.

Ek blog banane ke baad wahan se paise nahi aate, uske liye aapko apne blog ko taiyar karna hoga. agar aap blogging ke bare me nahi jante toh ''Blogging Kya Hai Aur Blogger Se Kya Faayde hai ?'' article padhe. toh dosto jaise hume anaj laga lene se paise nahi aate, uske liye hume unhe bechna padta hai. thik usi tarah aapko bhi apne blog ya website me advertisement dalna padega. aap jiska bhi ad daloge woh aapko uske liye paise dega. Adsense bhi ek tarah ka advertisement company hai jiske jariye aap acha khasa paisa kama sakte hain. chaliye ab Google Adsense ke bare me detail me jante hain.

Google AdSense Kya Hai?
Adsense ek google ka product hai jo publisher ke blog ya website pe automatic text, image aur video ke advertisement dikhata hai. zyadatar blogger aur website owners isi ke upar depend hai. agar aapka blog Adsense Approved hai toh aap apne blog ya website par ads daal sakte hain. isse aap 2 tarah se income kar sakte hain.

Impression - Ye roz aapke ads kitni bar dekhe gaye uske hisab se paise deta hai. aap maan sakte hai ki ye har 1000 views me $1 deta hai.

Click - Ye depend karta hai ki aapke ads par kitne click hue. ye $0.01 se lekar $5 dollar ya usse zyada bhi ho sakta hai.

Ek baar aapka Adsense account approve ho jaye toh aap apne hisab se ads ko look de sakte hai aur ye bhi decide kar sakte hai ki woh aapki blog pe kahan dikhega. jaise header, sidebar, footer, between posts. jab aapke blog ya website par visitors aayenge aur ads ko dekhenge aur uspe click kaenge toh aapki earning badhti jayegi. ek baar ye $100 ho jaye toh aap use apne bank account me transfer kar sakte hain.

Bas blog ya website pa nahi ye Youtube pe bhi kaam karta hai. log zyadatar kuch padhne se acha video dekhna pasand karte hain aur shayad asiliye Youtube world ka 3rd best website hai. aapne notice kiya hoga ki Youtube video dekhte time ya shuru hone se pehle aapko kuch ads dikhayi dete hai, ye aur kuch nahi Google Adsense ke hi ad hote hai.

Agar aapke blog ya website par visitor nahi ho rahe toh Adsense ads daal ke bhi koi fayda nahi. aisa nahi hai ki kam visitors par adsense approve nahi hota, ye ek aisa advertisement network hai jo aapke kitne bhi daily visitors me approve karwa sakte hai. aage ke article me hum approve kaise karwaye ke bare me batayenge. Adsense ad network blogging world me kaafi popular hai.

Google Adsense Kaise Kaam Karta Hai?
Jo apne blog ya website me ads dalte hain unhe publisher kaha jata hai aur jiska hume ads dikhta hai woh advertiser kaha jata hai. maan lijiye aapki blog me flipkart ka ads dikh raha toh iska matlab ye ki flipkart ek advertiser hai.

Agar aap kisi company ka ads apne blog ya site par dikhana chahte hai toh ye sambhav nahi ki aap uss company ke saath direct baat kar sako. aise me aap kitne company ke saath baat karoge. isliye Google ne Adwords ke naam se ek product shuru kiya. iske jariye badi badi company ya jo koi bhi apne products ya company ko world me promote karna chahte hain woh uske jariye register kar sakte hain aur apne ads ko add kar sakte hain.

Saare company ya products ka keyword hota hai. keywords woh hote hain jisse google pe search karte hain. agar aapke website par kisi product ka keyword hai toh aapke website par usi keywords ke related ads dikhayi padega. jab google ke robots aapke blog ya website par visit karte hai aur aapke website me koi keyword detect hota hai toh woh use Adwords se match kara ke uske jo products hai woh hi ads dikahte hain. agar maan lijiye aapne blog me smartphone ke bare me likha hai toh aapke blog me smartphone se related advertisement dikhayi dega. ye sabhi ads un company ke hote hai jo Google Adwords me apne products me usse related keywords daale hain aur jab bhi hum un keywords ko apne posts me use karte hai toh unke hi ads dikahyi dete hain.

Aur ek hote hain Interest based Advertising. jab aap koi e-commerce ya koi product ke website vsiit karte hai toh sabke history aur data aapke browser me save ho jata hai. jab aap phir koi blog ya website visit karte hai toh jisme adsense ke ads hain toh aoh aapke browser ke data ko access kar ke aapke pichle visit kiye hue page ke hisab se ads dikhata hai. Adsense ye manta hai ki aapka usme interest hai toh aapko uske related ads show karta hai. maan lijiye ki abhi aapne amazon ka website visit kiya aur usme ek smartphone dhund rahe the toh aapko next adsense ads amazon ya phir mobile related hi hoga.

Toh doston, iss article se aap jaan chuke honge ki ''Google AdSense Kya Hai Aur Kaise Kam Karta Hai''. Article pasand aaya ho toh 2 minute samay nikal kar social media ke jariye share jarur kare. Agar aapko iske bare me aur kuch janna hai toh aap neeche comment box me likhna na bhule. Thank you.

No comments:

Post a Comment