Facebook Par Apna Page Kyu Aur Kaise Banate Hain, Puri Jankari


Namaskar dosto. Pichle article me humne "Twitter Account Kaise Banaye Aur Use Karein" ke baare me padha tha. Aaj ka hamara ye article Fb se related hai. Yahan aaj main aapko puri jankari dunga ki Facebook par kya hai aur aap apna page kaise bana sakte hai and isse aapko fayde kya honge. Agar aap bhi Facebook par apna page banakar popular hona chahte hai toh ye article aapke liye kaafi helpful rahega.

Dosto abhi jo aapka facebook par account hai usme aap sirf 5000 friends hi add kar sakte hai par facebook par ek or tarika hai jis se ki hum lakho karodo logo se jud sakte hai. Woh hai facebook page aaj. Aapne facebook page ka naam toh suna hi hoga. Facebook page par aapko kitne bhi log like kar sakte hai. Toh chaliye ab jante hai ki aakhir facebook page kaise banate hai.

Facebook Par Apna Page Kyu Aur Kaise Banate Hain


Step 1
Sabse pehle Facebook website par ja kar ''Log In'' kijiye. Uske baad "Create a Facebook Page" option par click kijiye. Ab jo new popup window open hogi usme kuch categories hogi, usme se aap apne hisab se category choose kijiye.


➩ Local Business or Place - Agar aap apni dukan ya kisi dusre local business ke liye page banana chahate hai toh iss category ko select kare.

➩ Company, Organization or Institution - Agar aapki koi company ho toh iss category ko select kare.

➩ Brand or Product - Agar aapko kisi cheez ke brand ka page banana ho toh yahan select kare. jaise aapki website ka koi brand ho.

➩ Artist, Band or Public Figure - Agar aap koi artist hai yani kalakar hai ya fir aap koi badi hasti ka page banana chahate hai toh iss category ko select kare. aap apni pahchan banane ya famous hone ke liye bhi iss category ko select kar sakte ho.

➩ Entertainment - Isme aap kisi movie, book, story ka istemal kar sakte hai. jaise aapko agar kisi movie ka page banana ho toh iss category ko select kare.

➩ Cause or Community - Yeh category sabse alag hai. iss category me aapke saath saath woh log bhi post kar sakenge jo iss community me honge. aap apni website ke liye bhi ye category choose sakte hai.

Ab aap ko ye toh pata chal hi gaya hoga ki aapko kis category me page banana chahiye. agar aap abhi bhi nahi samjhe ho toh koi baat nahi aap baad me bhi apne page ki category change kar sakte hai. toh koi si bhi category ko select kar lo.

Step 2
➩ Filhal aap 3 brand and product ko select kar lijiye kyuki hame apni website ke liye page banana hai. Website select kar lijiye.

➩ Uske baad apne page ka name daal dijiye. Aur ''Get Started'' par click kijiye.

Step 3
➩ Apne page ke bare me 140 words ki choti si summary likhe taaki log samajh sake ki aapke page me kya hai, kis baare mein hai aur woh aapke page ko kyu like karein, Uske baad Apne page ki website ka url dale. Apne page ke liye username choose kare. Ab ''Save Info'' par click kare.

Step 4
➩ Ab jo page khulega usme aapko apne page ke liye profile photo upload karni hai. aap chahe toh ise skip bhi kar sakte hai. kyuki aap ise baad me bhi upload kar sakte hai. Yaha par click kar ke aap apne computer me se photo select kar ke upload kar sakte hai.

➩ Yaha par aap apne blog ya website ki photo ka link dal kar bhi photo upload kar sakte ho. last me Next par click kare.

Step 5
➩ Agar aap iss page ko apne favorite page me add karna chahate ho toh Add Favorites par click kare. Ya fir aap Skip par click kare.

Step 6
➩ Ab aapko apne country, state, city ka name enter karna hai, taaki aapke fans/followers ko pata chale ke aapke page ki location kya hai. Yahan par aapko yeh select karna hai ki aapke page ko kis umar se kis umar tak ke log dekh sakte hai. Isme aapko gender select karna hai ki aapke page ko sirf male dekhe ya sirf female ya fir dono, Iss box me aap apne interest ke hisab se page select kar sakte hai. Puri jankari bharne ke baad ''Save'' par click kare. Agar aap ye sab abhi nahi bharna chahte toh aap ise baad me bhi bhar sakte hai toh aap ise skip bhi kar sakte ho.

Bas ab aapka naya facebook page ban kar taiyar hai. Umeed hai iss article se aapko 'Facebook Par Apna Page Kyu Aur Kaise Banate Hain' ki puri jankari mili hogi. Agar phir bhi aapko koi problem aa rahi ho toh hume comment box me likhe. hum uska solution bhi zarur denge. thank you.

No comments:

Powered by Blogger.