January 25, 2018

Adsense Ke Liye Kab Aur Kaise Apply Kare - Step By Step Guide


Namaskar dosto, har Blogger ka aim hota hain ki woh apna blog banaye aur uspe adsense advertisement se income kare. toh dosto aaj ke iss article me hum baat kar rahe hain ki new blog aur website banane ke baad adsense ke liye kab aur kaise apply kare jisse adsense account approval ho aur blog se income shuru ho jaye. saath hi hamesha ke liye adsense account secure ho jaaye.

New blogger bohot baar aisi mistake kar lete hain jisse unka blog acchi rank par hone ke baad bhi adsense approval nahi hota aur woh income nahi kar paate aur nirash hokar blogging chor dete hain. iss article me batayi tips ko follow karke aap bhi apne new blog par adsense approval karwa sakte hain.

New blogger ko kin kin baato ka dhyan rakhna chahiye iss article me diye gaye instruction ko step by step follow kare. Aur koi bhi doubt ho toh neeche comment box me zarur likhe.

➩ Blog Ka Design
Blog aur website ka design ads responsive hona chahiye jisse ads lagane me koi problem na ho aur saath hi template aisi honi chahiye jo mobile friendly ho because india me 80% user mobile se hi internet ka use karte hain aise me agar aapka blog mobile friendly hoga toh visitor jyada search karenge. Blog design me favicon ka bhi use kar sakte hain, saath hi footer me kuch important chije jaise contact form, about me page bhi add kar sakte hain jisse design attractive hogi. Blog ke liye bohot saare free template badhiya designs ke saath aapko google par mil jayenge jo jyadatar seo optimised aur mobile friendly hote hain. aap uss template ko download kar sakte hain ya kisi developer se banwa bhi sakte hain. Aane wale agle article me main aapko bataunga ki aap apne blog par template kaise upload kar sakte hain.

➩ Blog Content Kitne Hone Chahiye
Adsense ke liye apply karne se pehle ye dekh lena chahiye ki blog par total kitne post hain, aur kitne post google me rank ho rahe hain. Apply karne se pahle kam se kam 20 post toh hone hi chahiye tabhi adsense approval hoga. Blog ke post 300-400 word ke hone chahiye aur kam se kam 1 post google me rank honi chahiye tabhi apply kare toh zyada better rehta hai aur approval milne me problem nai hota.

➩ Blog Traffic Aur Page View
Traffic ka sidha contact earning se hota hain agar adsense approval bhi ho jaaye toh bhi traffic kam hone par earning nahi kar paayenge, isliye 500 se jyada per day traffic hone par hi adsense ke liye apply kare. Aisa nahi hain ki aapke website par 500 plus traffic nahi hain toh aap adsense ke liye apply nahi kar sakte. Isse hoga ye ki adsense approval ho jayega but earning nahi ho payegi isliye pahle traffic badhaye and baad me apply kare.

➩ Copyright Content Check Kare
Copyright checker tool ka use karke pahle dekh le ki kahi aapke website ya blog par koi copyright content jaise article image, video toh nahi hain. Agar ek bhi copyright content hoga toh aapka adsense account approval hone se pehle hi block ho sakta hain.

➩ Privacy Policy Page Banaye
Privacy policy page jarur banaye iss page ke banane ke baad aapke adsense account approval hone ke chances badh jaayenge.

➩ Sitemap Submit Kare
Apne blog ya website ka sitemap ready kare aur use google search console me submit kare jisse blog ke sabhi post google me submit ho jaayenge aur google ko pata chal jayega ki aapke blog par kitne post hain aur kis baare me hain.

➩ Robot Txt
Blog ki security ke liye robot txt file ko apne blog me add kare jise website ke post ko secure rakhne aur kisi bhi content ko google me hide karne ke liye pehle robot txt file ko blog me add kare baad me hi adsense ke liye apply kare.

➩ Bounce Rate Check Kare
Bounce rate 35% se niche honi chahiye agar 35% se thodi bhi jyada ho toh pehle bounce rate kam kare fir adsense ke liye apply kare. Bounce rate jyada hone ka matlab hain ki visitor aapke blog par aa rahe hain but jyada time tak nahi rukte aur blog se baahar aa jate hain.

➩ Dusre Ad Network Ke Ad Remove Kare
Adsense ke liye apply karne se pehle agar aapki website par kisi aur company ke ads lage hue hain toh pahle usse remove kar de kyunki google ki term and condition ke hisab se aap adsense ke alawa kisi bhi or company ka add nahi laga sakte. Haa ek baar aapko approval mil jaye toh aap definitely dusre ad network ke ad bhi gogle ad ke saath saath use kar sakte hain.

➩ Website Link Ko Google Webmaster And Analytics Mein Submit Kare 
Webmaster tool and google analytics me apne blog ki link ko add kare jisse google ko pata chal jaaye ki aapke blog par per day kitna traffic aata hain kitne valid click and bounce rate ki detail pata chale.

Kisi bhi website ya blog me agar ye sabhi term and condition full fill karti hain toh aap bina kisi tension ke adsense ke liye apply kar sakte hain aapke blog par adsense approval hone se koi bhi nahi rok sakta. maine bhi jab blogging shuru kiya tha toh in sab ke baare me mujhe zyada pata na tha jis wajah se hume approval milne me time laga but haa uss galti ko main chahta hu ki aap na kare aur blog ko aise stage par la de jahan aap saare requirements ko fullfill karte ho jisse aapko bina kisi problem ke jald hi approval mil jaye.

"Adsense Ke Liye Kab Aur Kaise Apply Kare" se related kuch bhi sawal ho toh neeche comment box me zarur likhe aur haan dosto agar ye article aapko useful laga ho toh ise social media facebook, google plus, whatsapp par share jarur kare. Thank you.

No comments:

Post a Comment